我一日唔搞清楚自己想點，受苦嘅都係身邊嘅人，對唔住。

慣咗失去，慣咗唔敢有要求，似乎唔可以再慣咗，唔可以再畀藉口自己，我真係要大個女。

多謝你

一百萬零一夜..除咗係一個講命運同緣份嘅故事，佢嘅主線仲有Lost & Found

主角得到某啲嘢之前，佢一定要付出代價。

故事劇情好老土，不過導演嘅story telling方法起死回生，高班！

剪接亦做得好好，ｅｓｐ前半部，插敍得好有技巧，好勁！呢啲咪高手囉，學嘢啦，香港人！

have a nice day~~thx~

ps..hermann哥，生日快樂，我好肯定你已經過咗四十，希望你仲係鞭鞭有力啦~^^

唉！有人好心做壞事！連最後嘅少少尊嚴都冇埋～～

工作上畀人鬧可以當冇嘢，不過，今次真係好難。詐傻扮懵已經行唔通，坦白講，我唔玩喇！

有一日，你會發現我突然消失，離開你遠遠的，頭也不回，自顧自地向前走！

我想知如何用愛換取愛！如果真係有等價交換，我最想換呢樣～～

細個經歷過好多，多到你想像唔到，多到我以為自己都唔記得時，回憶偏偏偷襲～夜晚喊醒嘅滋味好可怕！其實我好少諗起個嘅嘢，不過呢排成日都諗起呢幕：我阿爸好大力咁摑媽咪，嗰晚係平安夜！呢個係我對男人根深柢固嘅印象，當佢唔愛你，佢唔會畀任何尊嚴你！

或者，當個男人連少少尊嚴都唔畀你，佢根本就唔愛你！

親愛的，留些少尊嚴畀我，好嗎？

擔心我嘅人，畀機會我自己處理，好冇？

23

now i am 23. 自從過咗18歲後，我一宜冇刻意去數自己嘅年齡，好多時人哋問我，我都要諗吓先答到人，我到底幾多歲?可能係內心一直抗拒長大，又或者對自己太過自信，總覺得我幾多歲都係咁型，咁有Sense。

不過，今年有啲唔同，從來未試過一個生日(一日)可以咁唔開心，其實明明冇事發生過，只係我愈來愈唔鍾意自己，點解我每一刻嘅感覺都係由人哋主導，我想 be myself好似愈來愈難。我真係好炆我自己！！！

我都唔知自己可以忍到幾時，每次想講清楚都總係嚟唔切，或者timing唔啱，不過多數都係自己太懦弱，驚結果唔似預期。

hermann哥成日話要畀啲耐性教佢，睇嚟唔係耐性嘅問題，根本問題係佢唔愛我，that's it.

ps.花花，愛一個唔愛你嘅人真係好辛苦，何必呢！（話人唔識話自己，哈！）

感謝每一個同我講生日快樂嘅人，我愛你哋！